All set nami nga muadto sa Pier 1 at 5pm kay daghan kaayong mga instrumento nga bitbiton. Pero the whole day pa mi naay event sa Mayflower hotel. Ni perform pa si nanah ug si madhu sa Fiesta sa Mayflower. Tapus go na dayun mi Gorordo Hotel kay para i tune ang mga djembe para ready na for May 18 nga event.
5:00PM go nami sa Pier 1... Niabot na ang mga kauban ni madhu sa abyan ensemble, naa napud ang mga bagong kaila nga fire dancers. Nakumpleto nami. 6:30AM wala pa amoang coordinator - naa sa iyaha tanang ticket :))) 6:45, wala pa gihapon. Giayo pa naman ang Pier 1, kailangan pa mo check in sa Pier 3 usa mubalik sa Pier 1 kung asa ang barko - sakay sakay pa bus. Nitingog na ang barko... 5 minutes before 7pm usa pa niabot ang amoang coordinator... go with the flow nalang mi pero kasagaran sa amoa nakaisip na nga posible nami mabyaan. Maayo nalang kay considerate ang management sa Port ug ang barko kay naa may changes sa ilahang system. Pag abot namo sa barko... init na ang ulo sa ubang crew... kami nalang daw ang kulang... 15 pud mi kabuok... medyo pwede hulaton.
Instead nga 7:00 AM, na late na og 30 minutes and larga sa barko. Cokaliong amoang gisakyan. - Before pa nakapalit og ticket nga Cokaliong nga direct to Maasin, ang unang advice sa amoa sa Hilongos muagi... gina check nako sa google ang hitsura sa barko. Nalipay ko kay Cokaliong na ang sakyan kay abi nako chaka ang Roble (mali diay ko... later sa pag-uli namo, i mention nako why). Kusog kaau ang hangin sa barko... gutom na walay mga panihapon... go nami sa canteen... walay rice, noodles lang... noodles ug bread hastang mahala :((( sige nalang no choice.
Kanya kanyang patay oras nalang mi... kay alanganin na matulog nilarga og 7:30PM muabot og 2:00AM..
2:30PM niabot nami og Maasin... ang una dayun nimo nga mapansin ang daku kaayo nga Virgin Mary sa bukid nga murag nagdung-aw sa tibuok Maasin. Nilukduhay nasad mi sa mga instruments. Sakay mi trysicle diretso sa Aloha Resort. Na-met namo ang kapitan Raffy sa Mantahan nga cool kaayo og iyahang murag duha to ka staff. Sa dihang nahiluna na mi... nangatulog na... og nabahaan ang mga boys kay nag leaking ang tubo sa lababo :)) sayo intawun kaayo nag swimming ang mga boys :)))
May 16
Gisundo mi at 7:30AM para mamahaw. The best kaayo ang pandesal,,, gikan sa breakfast, namalik na sa aloha ang mga performers para mag rehearsal. Kami, katkat sa mi sa Mama Mary shrine... 300 steps daw... giihap ni Madalasa 257 steps lang man daw :))) kapila mi nihunong kay hangak... pero pag naa nami sa taas... wow!!!kabugnaw sa hangin... sa dihang... nanganaug na amoang mga nakasabay, naa nalang mga bagong nanaka kami nangatulog sa taas :))
Lisud kaayo imaginon nga munaug napud... mga 2 hours siguro mi sa taas nagtambay... pagbaba, ngek init na kaayo... May I tawag mi og trysicle..." ihatud mi sa lugar nga bugnaw nga naay lami nga halo-halo". Ug... gihatud mi sa SUPERCHA!!! wow!!! mutapat pud ilahang halo halo sa chowking huh... naay buko ug mais :))) YUMMY!!!!
Alanganin na muoli mi sa Aloha kay in 30 minutes lunch time nasad... so diretso na mi sa kan-anan nila kap... niudto napud. Pag-uli sa Aloha, padayon sa rehearsal ang group. Gipang igang man nag swimming after rehearsal. 6PM sound check na ug run through... ang venue sa Pilot nga school (kalimot ko sa full name). After sound check, nanihapon na... kami mga girls naay special dinner go mi ilaha Avanish kay nagluto iyahang mama og lami nga vegetarian.
Pagbalik at 9:30PM sugod na ang show... Una si Max Surban ug iyahang group... then ang Abyan ug fire dancers tapus ubang banda na...
Gawas kay Max Surban highlight sa concert ang Abyan Ensemble kay pinakaunang group sila nga Afro-Brazilian ang genre nga ni-perform sa ilahang lugar. Murag first time sad ang fire dancing ... lingaw kaau ang mga tao. - cool kaayo si kap ug iyahang tropa nga nagapangita og bago para sa iyahang constituents. (Lingaw kaau si Madhu pagkanta ni Max og UPAW... kay favorite song man niya) Medyo tigulang na man diay si Max, murag sa unang tan aw luyahan nako niya pero halus 1 hour niya gidala ang show nga taas kaau ang energy... lahi ra gyud ning seasoned artists na no? lingaw kaau ang mga tao, apil nami :))
May 17, 2013
Plano unta jud nako nga muadto pa sa simbahan sa Maasin ug sa ilahang City Hall pero nausab ang sked sa amoang sundo nga sakyanan pa Hilongos. 7am nami ibyahe pa Hilongos. Pag-abot sa sundo larga nami pa Hilongos :))tulog tanan sa sakyanan...
Pag abot sa Hilongos pwede naman mag check in at 9:30am. Saka na namo amoang gamit, namahaw dayun mi sa gawas. Ug sa akoang giingun pagsugod... ganda man diay ang Roble Shipping nga Joyful star. Limpyo ang CR, naay naga maintain... okay ang restaurant... limpyo jud siya... layo ra sa Cokaliong nga CR. (kalimot ko sa name sa barko sa cokaliong basta ang byahe niya Pa surigao city via maasin) Kanya kanya napud og tulog. Pero ako nagwara wara og nakakita ko og maayuhon. Akoang paborito nga pretzels... Before mi niabot og Cebu, nangadto pa mi sa bar og nag videoke.
Lingaw ang kinatibuk-ang trip... wala kaayo namo na explore ang Maasin pero murag enough na para maka develop og impression. Like other small cities sa nasud, simple ang kinabuhi. Daghan ko nakita nga mga ganda nga balay...
MGA DILI MALIMTAN SA AMOANG TRIP:
- Ang Cosmic nga flow ni Bro Avanish :) maayo nalang nakaabot mi... (ikaw na jud bro:) -- na stress mi kadali,
- Nisakit amoang panga courtesy of our two pretty clowns si King ug Coy...cool kaau ang lakaw kay puno og laughter -- thank you girls..
- Cool kaayo si Kap. Raffy ug iyahang wife ug staff.
- Ang amoang team... ang mga kolokoy... sayo pa nagkabayo na... :))
- ang underwater camera ni emboy...
- ang mga tao sa Mantahan...si nanay sa resort nga nahimong fan sa abyan.
- ang isa ka member sa isa ka band nga nag perform nga sa walay ka bata-batasan giitsa lang ang iyahang gamit sa sakyanan... palarga na unta mi gibalikan pa sila... sa walay duha duha magyawyaw nga init ang sakyanan ug guot... kaarte!!! :))) hehehe... maka bad trip pero kebs nalang.
- ang baha nga nakapasakit sa likod ni madhu...
- ang ganda diay nga Barko sa Roble Shipping
- nasakto ming upat (ako, si mads, si nanah ug jayanti sa isa ka kama)
- ang moron nga lami
- ang rosaryohan nga gipasalubong namo sa staff sa AMWC - nga made in korea
- na realized ni nanah nga dili diay MAASIM - MAASIN diay :)
- love triangle ni king, miko ug j-ross
kapuy ang byahe kay dagat pero puno kaayo og katawa... gi end pa sa song numbers nila jayanti ug king sa videokehan.
-----------------------------------------------------------------------------------------
More:
WHO IS ABYAN ENSEMBLE?
Walang komento:
Mag-post ng isang Komento