Dugay na namo nahisgut hisgutan ang Bogo...fiesta daw, bibo daghang kalingawan... naay bongga nga sinulog etc. Pero ang fiesta kutob lang sa may 27 :))) okay lang... dili man kaayo ko interesado og fiesta daghan ra na og hubog :)
Check ang budget... ngita og resources :))) da!!! okay na ni... layas na mi :))) Kulang ang team kay naay laing lakaw ang uban pero okay ra kaau kay swak ra sa budget. Si Madalasa nga niuli na sa ilaha, na convince nga mo-join... hulat lang siya sa ilaha dapit. Impake na!!! Inform ang mga mamu kay sila ang mabilin sa center :)))
Sayo mi, namainit pa kay para naay pang harang sa gutom :)) then, go na sa South Bus Terminal... P135 and pamasahe sa ceres aircon bus pa Bogo.
Pag-abot namo sa Bogo, makita pa jud nimo kaayo ang fiesta mood.. Gisugat mi og kusog nga ulan ug hangin. Hugaw kaau ang palibot... salin sa fiesta pero effort na jud sila nga manglimpyo kay naay part sa park nga limpyo na.
Kailangan mi mag desisyon asa mi mag stay... ang sige nako makita sa google ang NAILON RESORT www.nailonbeachresort.com
Cg, go ta og nailon tan-awon nato if afford ra ug sulit ba... double daw ang pamasahe sa trysicle. Gibayaran na nako og P100 kay murag sudlunon man. Inquire nami. P2,300 ang room good for 3... negotiate mi nga i-uban lang mi 5 extra charge nalang. Maayo nalang kay cool kaayo ang ilahang manager... ni agree. Machika pa jud kaayo... chika mi about sa Davao. Nakilig akoang mga kauban kay nag concert man ni Enrique Gil, Yeng Constantino ug Daniel Padilla during sa fiesta sa Nailon Beach Resort gi house. Murag ang Nailon ang pinaka nindot nila nga resort. NIndot jud... nindot ang room, maayo kaayo ang mga staff, naka uniform pa. Okay kaau nga resort sa gamay nga syudad. Ang pinaka-plus kay ang cable tv. Solve na kaayo ang tropa.
Pero dili pud namo sayangon ang panahon nga mail-han ang Bogo. So, rest lang kadali, balik na dayun mi sa Sentro. Go mi sa park. Medyo hugaw jud... makalingaw ang palibot.. udtong tutok naay hubog :)
Nalibog mi kay sa park naa mi nakita nga monumento sa isa ka boksidor. Si Manny Pacquaio? Madalasa: Naa naman ng monumento te wala pa si Manny. Sa dihang, sa likod nakita namo FLASH ELORDE COMMUNITY STAGE.... ahhhh.... taga diri diay si Flash Elorde :)))
Padayon pa mi tuyok tuyok sa ilahang park... sulod mi sa ilahang Museum (P10 ang entrance fee).
Wala namo gipalampas ang tren nga naka display... si madhu naay nakita nga nakatanum sa park duol sa tren nga naay 5 fingers... padayon mi tuyok tuyok sa park... medyo wala mi nagdugay kay hugaw pa jud kaau... halata kaayo nga grabe kalingaw ang mga tao...
After dinner, walk walk mi sa ilahang wharf... daghan daw naga date date diri... taas man diay kaau. Nakita man namo sa layo layo ang nag tuyok tuyok nga ferries wheel pwes... go mi sa peryahan. P10 ang entrance fee. Lingaw kaau ang mga tao sa peryahan... salin pa ni sa fiesta.
wala mi nagdugay sa bingo kay makalibog ang announcer... bulol. Nahurot amoang piso sa itsa-itsa. Pero hawud kaayo si madhu sa baril baril... nakakuha mi og daghang candies. Nanan-aw sad sila og motor exhibition. Lingaw pud pero murag kaulanon... ULI NA TA!!!
Balik nami sa Nailon... nangape sa mi ni Madhu... unya tulog na... tulog na mi, si madhu naglingaw pa sa cable... bottomless cartoons :)))
The next day, sayo ko nakamata... ganda kaayo ang palibot... cool kaayo ang hampak sa balud. Bugnaw ang panahon. Swimming sa mi... sa kadaghan namo og naistoryahan... wala mi kamalay niinit na diay 2 hours nami sa pool... ug napagud na ang lola :)
Namahaw nami... then balik na sa Poblacion kay nag desisyon mi nga mudiretso og MEDELLIN.
Lingaw amoang Bogo experience walay pressure... go go go lang... lingaw :)) Ganahan kaayo mi sa nailon beach resort. Okay kaayo ang mga staff... friendly, accommodating... efficient!!!
Wala lang mi kaligo og dagat kay isog kaayo ang balud... kusog ang hangin... kebs lang kay daku man ilahang pool. Napuno lang og dahon pag abot namo kay todo kaayo ka kusog ang ulan na ni brown out pa.
Daku na ang Bogo... mau gani siguro na nahimo na siya nga city.
Pero lang, naa nay mga signs sa kalisud. Sa ilahang Gaisano, naay mga bata nga manguhit jud kay mangayo. Na shock ko nga sa kagamay sa syudad... naay manlilimos... daghan sila mga batang babae ug lalake nga mag atang kung naay mupalit - sulod mismo sa mall. Kuhiton jud ka tudluon imohang gikaon kay pangayuon. Lahi ra... Murag mga gutom jud sila . Kalain sad.
Nalingaw lang ko kay naay vegetarian nga food option sa Gaisano.
Okay lang kaayo amoang lakaw... sulit!!!!
More photos:
Salamat Bogo :))) excited makita ang uban pang Syudad ug Munisipyo sa Probinsya sa Cebu.
Team Layas present: Sav, Madhu, Jayanti, Madalasa & Manojiit
Walang komento:
Mag-post ng isang Komento