DUHA KA MAKALINGAW NGA ADLAW SA ARGAO

Pila ka days na ko nag surf sa internet, samuk samok na nako akoang mga friends sa fb chatroom.. wala koy ideya sa mga maayong malaagan diri sa Cebu. Bongga pa ang amoang limitasyon... limitado amoang budget... kay kung daghan pa og budget, dali lang mag desisyon :)))

All set na akoang mga kauban (mga stay inn staff sa amoang center - kasagaran technically single). Nakapananghid nami, na-arrange na ang mga mabilin na tasks pero wa pa mi lugar nga maadtuan :))) naay lain laing suggestions: tabuelan, dalaguete, moalboal... gi-kuha na nako mga info sa halus tanang munisipyo og isla... sa limitado nga oras ug budget I was glued checking more detail about ARGAO. Pag tan aw man gud nako sa map duol ra, cool ang name murag siargao :), nakabasa pud ko og blogs nga cool... naay nature park, beach area, old houses... Sige daw!!!

Gilista na nako ang potential nga bisitahon... ready na mi to go, early the next day (May 1,

 labor day)

May 1: Go nami sa southbound terminal... sure kaayo mi nga mag aircon bus para comfortable... puno puno ang bus..

Two hours ang byahe, sa  walay pamahaw nga Doms, nibangka na og kaboang... lingaw lingaw ang mga sarili...cool ang konduktor (pero natingala ko pagpadulong P1154 amoang gibayaran, walay ticket. Pag uli 600 plus nalang... hmmmppp...ang cool nga konduktor cool jud diay)


Nangutana ang cool nga konduktor asa mo manganaug sa mahayahay ba daw... sige pa sya hirit nga mag swimming mo? sa mahayahay na mo... pero nibaba mi sa poblacion kay ang naa sa huna huna... mamahaw!!! tungod kay highlighted kaayo sa mga blogs ang ALEX KAFE... old house siya nga lami daw ang food. Go mi sa alex kafe. NGEK!!! sirado na sila kay namatay na ang tag-iya last year daw. Plano nila mag open usab pero sa karun wa jud... ask nalang mi asa pwede mangaon... ang suggestion .. asa gani to?? carmen carenderia or celia?... go na mi sa carenderia... whew!!!! hastang inita pa :) murag isa siya sa pinakadaku nga kan-anan sa Argao, pero walay gulay...puro karne ang sud-an... maayo nalang naay pansit ug ngohiong.  After eating, nalingaw ang mga kauban sa kay sir chief ug maya... bisan sa argao please be careful japun :))

Nangutana na mi asa pwede mag stay... ang akoang gipa book kay Abella's pension unta pero wala man lang mi gi follow up... basi naa pay mas maayo. Sa seabreeze daw... go mi, opps... sirado, walk mi gamay CALUMPANG BEACH RESORT... sulod mi... swerte!!! naay bakante... ganda kaau ang lugar. Along the highway lang... cool kaau ang receptionist. Kami lang ang guest :)) Sa 8 mi kabuok, P2,100 ang room... daku na, aircon (hinay lang), clean kaau ang lugar... (HIGHLY RECOMMENDED if muadto ka Argao). Limpyo, okay ang tubig, buotan ang staff, naa lang isa ka tigulang nga lalake nga dili kaau smiling pero kebs na :)) ang babae kay machika, cool :)

Rest lang mi kadali... ang uban ni dip sa tubig... pero murag season sa jelly fish... pero naay schedule ang katol-katol :))

After naka rest, may I go na mi sa ilahang NATURE PARK. Cool kaau ni nga municipality, naay nature park nga very affordable :) P5 lang ang entrance fee... nanginum pa mi og juice sa gawas nga isa lang ka lad-ukan :)) kebs na...

Pagsulod ang una nilang gi try ang Canopy tag P10 each, then ang zip line for beginners tag P30 lang, nag boating sila tag P10 each lang pud, nag wall climbing tag P30. Hasta na nilang lingawa while kami ni Jayanti nagpa masahe. Naay mga blind nga masahista (ang wish lang unta nako budgetan nila ang unlan ug higdaanan) Mahadluk ka mutan aw sa unlan kay hastang hugawa na... wala nako gina blaim ang mga masahista, dili man nila makita unsa nay sitwasyon sa ilhang palibot.  Ang management unta... maulaw naman mi mo back out... maayo si jayanti nakabitbit og shawl... ako, gi utong nalang :))) chikadora pud kaau ilang mga masahista... or basi natungnan lang mi ato... :))) diba pag nagapamasahe dapat silent para relax.... anyway, lain lain ang uso :))))

Tapus nag snack mi og torta sa ilahang canteen. Okay na kaayo ang lugar sa iyahang fees nga very affordable. Maulaw naka mo demand for more of this and that kay P5 lang baya... :)) bugnaw sa sulod, kay forested.  Okay na kaayo laagan...

Next sa listahan, ang simbahan...trysicle to simbahan mi, tapad tapad lang diay ang ilahang municipal hall, hall of justice, simbahan, hospital ug uban pa...

WOW!!! ganda kaau ilahang hall... mga karaan nga building na gi preserve. Hayahay kaayo istambayan ang ilahang park atubangan sa municipal hall.  daghang tabanug nga naka design. Nisaka pa mi sa hall pero mingaw kay Labor Day. Naa lang mga nag rehearsal og sayaw mga teenagers. Nanayaw sila og ONE CEBU!!! mga pretty ug gwapo ang mga dancers... ana man jud na diba, pinilian kay panlaban gud.

As in cool kaayo ang lugar, murag simple, peaceful, limpyo... syempre mga impresyon lang nako na... pero maayo ang palibot... hayag kaayo og aura. Dugay mi nagtuyok tuyok, picture picture everywhere.

Ang purtahan lang sa simbahan... ganda kaayo ang simbahan, stone, old kaayo ang look, solemn pero ang putahan gibutangan og aluminum screen door, murag sukwahi man... opinyon lang ha... feeling lang diay... murag mas musabay siya sa flow kung gipahimuan nalang og kahoy nga screen door...

Nalingaw lang mi kay while naga misa, naay daku kaayo og tingog sige og syagit nga babae"CLINTON!!!! CLINTON!!! CLINTON!!! many many times" abi namo naay nag rally against clinton... ang inahan diay gitawag iyahang anak... ssshhhhh... naay misa nang :))

Pa picture sad mi sa daku nga torta...

Taas na kaayo ang amoang adlaw... wala pa nahuman, dinner time na!!!! sa boulevard daw naay kan-anan. Maayo kaayo ang serbisyo sa amoang gikaunan. Wala na nako nakuha ang name sa tindahan pero siya ang naa sa pinakauna.

Namaktas nalang mi pabalik sa amoang gi stayhan.

Kay hinay man amoang aircon, nangaligo sa mi dagat...

Nahuman ang amoang DAY 1 :))

DAY 2 na!!!

Naka set mi nga muadto sa Riverstone Castle, naa daw swimming pool. Balik mi sa carenderia nga gikaunan namo sa unang adlaw, pag tan aw namo halus parehas lang gihapon ang pag kaon. Namaktas nalang mi. Duol ra kaayo nakakita mi og carenderya nga gamay very clean, ang Gemma Food and Catering (dili ko sure tama ba ang name ha,,, si jayanti nag ingun ani). Gamay lang sya pero limpyo daghang variety ang sud-an, okay ang mga tindera. Lami kaayo ang ilahang nangka nga salad. Amoang dessert, ICE CANDY!!!

Sakay nami tryxicle to Riverstone. Ingun nila tag P10 lang daw ang pamasahe pero P20 man diay. Gisabot na namo ang 2 ka trysicle nga balikan mi at 2pm. Naa mi 4 hours sa riverstone castle. AMAZING kaayo ang lugar, pagsulod namo.,,, Balay sa Hari ug Reyna... naa pud mga hayop. Naay buaya... lingaw kaayo mi sa pictorial. P30 pesos ang entrance fee pag dili mag swimming pag mag swimming P20 nalang plus P80 sa swimming pool P100 each. Lingaw kaayo mi sa lugar pero pagsaka namo sa swimming pool, mingawan mi... init pa jud kaayo kay leatherette lang ang atop. Dili maayo ang maintenance... masabtan nimo sa ubang areas kay mga antik man pero sa CR sa ubang parts dili jud kaayo limpyo. Pero masabtan sad nimo, kay sa kadaku sa lugar, murag pipila lang ka staff. Lisud jud i maintain in high quality. Gi txt ug gitawagan na unta namo amoang trysicle. Pero naa mi nakasabay nga pamilya, ask mi asa pa naay swimming pool. Ingun ang wife layo ug mingaw pud kay weekdays baya. Dili pud mi gusto og dagat kay init kaayo. Napugos mi og stay... anyway, pagsugod namo og ligo nangalingaw nalang man pud mi  :))) Siguro taas lang kaayo amoang expectation sa swimming pool kay ganda man gud kaayo ang lugar pagsulod... Ang kainit lang sa area nga tambayan ug at that time kami lang ang nakapa turn off sa amoa... kung naa untay proper area anga maayo ang atop para dili init, kung dili ka maligo makahigda higda ka, makapahuway...

Naga serve sila og PIZZA. So pizza amoang lunch. Ang pinakalingaw aning lugara ang pictorial kay daghang ganda nga subjects. Naa pud videoke. Accessible sya ug VERY UNIQUE... pwede kaayo ka mag MTV... sulit na sulit sa pictorial :))

2PM ready to go nami!!!

"Asa makapalit og pasalubong nong"

Diri mi gidala.. CHITANG TORTA

Time to uli :))) Generally, hastang ka OK sa amoang lakaw... SULIT na SULIT!!! Bisan dili jud full 2 days pero naka recharge pud... Salamat Argao... okay kaau ang mga tao,,, wala mi negatibo nga experience gawas sa mahal nga pamasahe sa bus pagpadulong :))) Bisan sirado na ang Alex Cafe pero very accommodating ug friendly kaau ang babae nga niatubang sa amoa... bisan gutom nami, wala jud mi na bad trip kay okay kaau siya...

Sa mga ingun ani nga lakaw isa sa major sad nga factors is imohang mga kauban ug ikaw mismo... Bisan asa mo dalahun sa inyuhang tiil basta cool ang mga kauban... ikaw pud cool ra...DA BEST ANG LAKAW...

ayyyy!!! kadali, pahabol... naa diay nihilak... kay gihiram sa alien ang iyahang mosketiro... amoang inday rukmini, gibinoangan sa kugtong nga madhu, gitago ang muskitiro, dili intawun makatulog si inday kung wala iyahang gamhanang muskitiro :))) nalingaw ang tanan... kahilak si ruk pero nahuman ra pud nga puno og katawa...

MORE:

• sa amoang night swimming, nag-pa spa mi kay nanahh... as in murag salt spa nga ang gamit ang balas para sa fez ug likod...
• mura daw og nabilin ang kalag ni bhavesh pag zipline, si nanah namumo ang baba sa pisi
• naay cool nga pamilya duol sa calumpang beach, namalit mi sa ilaha og mangga... accommodating kaayo sila

Excited na mi sa sunod nga laag... hmmmppp asa kaha?

Any suggestion diha?



FIRST OFFICIAL LAAG SA AMOANG BAG-ONG TEAM:

TEAM LAYAS (savitri, madhu, jayanti, rukminii, bhavesh, gopii, madalasa and manojiit)

Naa mi guest ani nga lakaw: si nanah